नेपाली राष्ट्रिय फुटबलर सावित्रा यूरोपियन लिगमा
काठमाडौं, ३० जेठ । नेपाली महिला राष्ट्रिय फुटबल टोलीकी स्टार फरवार्ड सावित्रा भण्डारी ‘साम्बा’ले युरोपेली क्लबबाट खेल्ने भएकी छन् । सावित्रालाई इजरायलको क्लब हापोएल रानानाले अनुबन्ध गरेको हो।
क्लबले मंगलबार सामाजिक सञ्जालमार्फत सावित्रासँग सम्झौता भएको जनाएको छ । इजरायल एसियामा पर्ने भए पनि युरोपेली महादेशको फुटबल महासंघमा आबद्ध रहेको छ ।
घरेलु फुटबलमा विभागीय टोली एपीएफबाट खेल्ने सावित्राले भारतीय महिला लिगमा दुई फरक क्लबबाट खेल्दै तीन उपाधि जितिसकेकी छन् ।
केही साताअघिमात्र उनी भारतीय महिला लिगमा गोकुलम केरलाबाट खेल्दै उपाधि जितेकी थिइन् जसमा २९ गोल गर्दै सर्वाधिक गोलकर्ताको अवार्ड जित्न समेत सफल भइन् ।
Rupee Exchange Rate