आगलागीबाट आठ घर जलेर खरानी
महोत्तरी, ११ वैशाख । महोत्तरीको मटिहानी नगरपालिका–६ मा आइतबा दिउँसो भएको आगलागीमा परेर आठवटा घर जलेर खरानी भएका छन् ।
जिल्ला प्रहरी कार्यालय महोत्तरीका अनुसार स्थानीय गफार शेष, सतार शेष, सदरे शेष, अन्सारुल मोमिन, इलझारुल मोमिन, अतिम नदाफ, तालिम मोमिन र राजकिशोर मुखियाको घरमा आगलागी भई लाखौँको क्षति भएको छ ।
समयमै दमकल पुग्न नसक्दा धेरै क्षति व्यहोर्नुपरेको स्थानीयको गुनासो छ । नगरपालिकाको आफ्नै दमकल नहुँदा धेरै क्षति भएको भन्दै स्थानीय आक्रोशित समेत बनेका छन् ।
आगलागीबाट सबै घरमा गरी करिब २६ लाख बराबरको क्षति भएको जनाइएको छ ।
Rupee Exchange Rate