सभामुख चयनका लागि आज निर्वाचन हुँदै
एमालेबाट घिमिरे र काँग्रेसबाट न्यौपाने उम्मेदवार
काठमाडौं ५ माघ । प्रतिनिधिसभाको सभामुख चयनका लागि आज निर्वाचन हुँदै छ । मतदानका लागि आज विहान ११ बजे प्रतिनिधिसभा बैठक बोलाइएको छ ।
सभामुखका लागि नेकपा एमालेबाट देवराज घिमिरे र नेपाली काँग्रेसबाट ईश्वरी न्यौपानेबीच प्रतिस्पर्धा हुँदैछ । पछिल्लोपटक विसं २०५१ मा बहुमतीय प्रक्रियाबाट सभामुख चयन भएको थियो भने त्यसपछि सधैं सभामुख सर्वसम्मत चयन हुँदै आएको थियो ।
झापा २ बाट सांसदमा निर्वाचित घिमिरे एमालेको स्थायी समिति सदस्यसमेत हुन् भने यसअघि एकपटक राष्ट्रियसभा सदस्य पनि निर्वाचित भएका थिए । न्यौपाने भने दाङबाट समानुपातिकतर्फबाट बनेकी सांसद हुन् ।
सभामुख निर्वाचित हुनका लागि बहुमत ल्याउनुपर्नेछ अर्थात् २७५ सदस्यमध्येबाट १३८ मत आवश्यक हुन्छ ।
Rupee Exchange Rate