काठमाडौं महानगर प्रहरीका सई तुलाचनद्वारा राजीनामा
काठमाडौं, ६ पुस । काठमाडौं महानगरपालिकाको नगर प्रहरी बलमा आन्तरिक विवाद देखिन थालेको छ । नगर प्रहरी प्रमुख राजु पाण्डेले अन्याय र अत्याचार गरेको भन्दै नायब निरिक्षक लोकनाथ चुडालले राजीनामा दिएका छन् ।
चुडालले पाण्डेमाथि तल्लो दर्जाका प्रहरीहरुलाई होच्याएर बोल्ने दुःख दिने अपशब्द प्रयोग गर्नेलगायतको आरोप लगाएका छन् । यस्तो हैकम सहन नसक्ने भन्दै आफुले राजीनामा दिएको चुडालको भनाई छ ।
आफ्नो २९ वर्षको सेवामा पहिलोपटक नेतृत्वबाट यस्तो व्यवहार भोगेको चुडालले बताए । दिनको १५ घण्टा बुट लगाएर खटिने र केहीबेर आराम गर्दा समेत पाण्डेले गालीगलौज गर्ने गरेको आरोप छ ।
गएको स्थानीय निर्वाचनबाट मेयरमा निर्वाचित भएर आएका बालेन शाहले धनपति सापकोटालाई हटाएर पाण्डेलाई नगर प्रहरी प्रमुख बनाएका थिए ।
Rupee Exchange Rate