डेनमार्कलाई हराउँदै अस्ट्रेलिया विश्वकप फुटबलको अन्तिम १६ मा
काठमाडौं, १४ मंसिर । अस्ट्रेलिया कतारमा जारी फिफा विश्वकप फुटबलको अन्तिम १६ मा प्रवेश गरेको छ । भर्खर सम्पन्न समूह चरणको अन्तिम खेलमा डेनमार्कलाई १-० ले हराउँदै अस्ट्रेलिया समूह डी बाट अगाडि बढेको हो ।
अस्ट्रेलियाको जीतमा दोस्रो हाफमा म्याथिउ लेकीले गरेको गोल नै निर्णायक बनेको थियो । लेकीले ६०औं मिनेटमा गोल गरेका थिए । त्यसपछि थप गोल निस्किएन र १-० को जीतसहित अस्ट्रेलिया नकआउट चरणमा स्थान बनाउन सफल भयो ।
यस समूहबाट फ्रान्स यसअघि नै अघि बढ्ने पक्का भइसकेको थियो । अस्ट्रेलिया समूहको उपविजेता बन्यो भने फ्रान्स समूह विजेता बन्दै अन्तिम १६ मा पुग्यो ।
डेनमार्कले यस विश्वकपमा एक खेल पनि जित्न सकेन । उसले २ हार र १ बराबरीको नतिजा निकाल्यो ।
Rupee Exchange Rate