महानगरको चेतावनी: सहकारीबाट लिएको ऋण समयमै नतिरे कारवाही हुन्छ

काठमाडौं, ५ चैत । काठमाडौं महानगरपालिकाले सहरकारीबाट लिएको रकम समयमै चुक्ता नगर्नेलाई कानुनी कारवाही गर्ने चेतावनी दिएको छ । महानगरपालिकाको सहकारी विभागले सार्वजनिक सूचना जारी गर्दै सहकारीबाट लिएको साँवा र ब्याज समयमै तिर्न आग्रह गरेको छ ।

ऋणीहरूले समयमै रकम चुक्ता नगर्दा सहकारीले बचतकर्ताको बचत फिर्ता गर्न नसकेको भन्दै विभागले जुन सम्झौता र सर्त बमोजिम लिइएको हो सोही बमोजिम रकम फिर्ता गर्न भनेको छ ।

सहकारीबाट लिएको ऋण तिर्नु नपर्ने भ्रम फैलाइएको र सोही अनुसार केहीले ऋण चुक्ता गर्न बहाना गरेको गुनासो आएको विभागले जनाएको छ ।

Comments