नेदरल्यान्ड्सद्वारा नेपाललाई १३८ रनकाे लक्ष्य

काठमाडौं, ५ फागुन । आइसिसी क्रिकेट विश्वकप लिग टु अन्तर्गत नेपाल, नामिबिया र नेदरल्यान्ड्स सम्मिलित त्रिकोणात्मक श्रृंखलाको आफ्नो दाेस्राे खेलमा नेपालले नेदरल्यान्ड्ससँग खेलिरहेको छ ।

कीर्तिपुरमा टस हारेर पहिले ब्याटिङकाे निम्ताे पाएकाे नेदरल्यान्ड्सले नेपाललाई १३८ रनको विजयी लक्ष्य प्रस्तुत गरेको छ । नेदरल्यान्ड्सले ३९ ओभरमा अलआउट हुँदै १३७ रन बनायो । उसका कप्तान स्कट एडवार्ड्सले सर्वाधिक ३३ रन बनाए । त्यस्तै बास डे लिडेले २७ रन बनाउँदा साइब्रान्ड एङ्गलब्रेटले २३ रन बनाए ।

नेपालका लागि कुशल भुर्तेलले ४ विकेट लिए भने ललित राजवंशीले २ विकेट लिँदा कप्तान राेहित पाैडेल र साेमपाल कामीले १-१ विकेट लिए ।

Comments

सम्बन्धित शीर्षकहरु

आजको लोकप्रिय