प्रधानमन्त्रीले देशबासीका नाममा सम्बोधन गर्ने
काठमाडौं, ३ पुस । प्रधानमन्त्री पुष्पकमल दाहाल प्रचण्डले देशवासीको नाममा विशेष सम्बोधन गर्ने तयारी गरेका छन् । सरकार गठन भएको एक वर्ष पुगेको अवसरमा उनले सम्बोधनको तयारी गरेका हुन् ।
दाहाल प्रधानमन्त्री नियुक्त भएको आगामी मंगलबार एक वर्ष पूरा हुँदै छ । त्यही अवसरमा प्रधानमन्त्री प्रचण्डले देशवासीको नाममा सम्बोधन गर्ने तयारी रहेको जनाइएको छ ।
उनले आफ्नो कार्यकालको दोस्रो वर्षलाई विशेष बनाउन चाहेको बताएका थिए । ‘एक वर्षपछि अर्को ढङ्गले काम गर्न चाहन्छु । प्रदेश र स्थानीय तहलाई बलियो बनाउनका लागि मैले फरक ढङ्गले काम गर्न लागेको छु,’ प्रधानमन्त्री दाहालले भनेका थिए ।
Rupee Exchange Rate