युएईमाथि नेपालको रोमाञ्चक जीत
काठमाडौं, ६ कात्तिक । नेपाल, हङकङ र युएई सम्मिलित नेपाल टी-२० त्रिकोणात्मक श्रृंखलामा नेपालले चारवटै खेल जितेको छ । नेपालले युएईलाई ५ विकेटले हराएको हो ।
युएईले दिएको १६५ रनको लक्ष्य नेपालले ४ बल अगावै ५ विकेटको क्षतिमा भेट्टायो । नेपालका लागि आसिफ शेखले सर्वाधिक ६२ रन बनाए । त्यस्तै कप्तान रोहित पौडेलले ४७ रन बनाए । दिपेन्द्रसिंह ऐरी १५ बलमा ४० रनमा अविजित रहे ।
युएईका मोहम्मद जवादुल्लाहले २ विकेट लिए भने जाहुर खान र अकिफ राजाले १-१ विकेट हात पारे ।
काठमाडौंको मुलपानी क्रिकेट मैदानमा जारी खेलमा टस हारेर ब्याटिङको निम्तो पाएको युएईले नेपाललाई १६५ रनको लक्ष्य दिएको छ ।
युएईले निर्धारित २० ओभरमा ७ विकेट गुमाएर १६४ रन बनायो । युएईका बासिल हामिदले १९ बलमा ४५ रनको विस्फोटक इनिङ खेले । उनले ५ छक्का प्रहार गरेका थिए । त्यस्तै वृत्या अरविन्दले ४५ रन बनाएर आउट भए ।
नेपालका लागि अविना बोहराले ४ ओभरमा २८ रन दिएर २ विकेट लिए । त्यस्तै सोमपाल कामीले ४ ओभरमा ३३ रन दिएर २ विकेट लिए ।
Rupee Exchange Rate