फुटसलमा भाग लिने टोलीलाई पोशाक हस्तान्तरण

काठमाडौं, २७ भदौ। काठमाडौंमा भैरहेको ‘प्रयाग राज सिंह सुवाल स्मृति अन्तर वडा फुटसल प्रतियोगिता २०८०’ मा सहभागी हुने वडा नम्बर-६ को टिमलाइ ट्र्याकसुट तथा जर्सी सेट बितरण गरिएको छ।

बुधबार कामनपा-६ वडा कार्यालयमा आयोजित समारोहमा वडा अध्यक्ष भुवन लामाले खेलाडी तथा अफिसियल टिमलाइ उक्त सामाग्री हस्तान्तरण गरेका हुन् । वितरण गरिएका सामाग्रीमा ट्र्याकसुट,जर्सी सेट,जुत्ता,मोजा,किपर सेट,प्याड र किपर पन्जा छन् ।

सो अवसरमा अध्यक्ष लामाले खेलाडीलाई हौसला दिदै जितको लागि अग्रिम शुभकामना दिए । उनले मैदानमा गएपछि जित वा हार भन्ने खेलको नियम हुने भएपनि आफ्नो वडाको लागि खेलाडीले पक्कै जितेर आउनेमा आफू विस्वस्त रहेको समेत बताए।

फुटसल प्रतियोगिता अन्तर्गत भोलि कामपा वडा नम्बर ६ र कामपा वडा नम्बर १५ बिच प्रतिस्पर्धा हुने टिम मेनेजर सोनम लामाले जानकारी दिए। यसमा वडा नम्बर-६ का खेलाडीले प्रतिस्पर्धा गर्ने भएकोले बुधबार वडाबाट खेलाडीको सम्मानमा खेल सामाग्री बितरण गरिएको हो ।

खेलको बिजेता टिमले नगद २ लाख र ट्रफी,उप बिजेताले १ लाख, उत्कृष्ट खेलाडीले नगद १० हजार,उत्कृष्ट गोलकर्ताले नगद १० ह्जार र गोलरक्षकलाई पनि १० हजार नगद छ।

कार्यक्रममा वडा अध्यक्ष सहित वडा सदस्य र कर्मचारीको उपस्थिति थियो ।

Comments