कांग्रेस नेता आलमको निधन
काठमाडौं । नेपाली कांग्रेसका नेता पूर्वमन्त्री मोहम्मद अफताब आलमको उपचारका क्रममा निधन भएको छ।
रौतहट बमकाण्डका आरोपित नेता आलम कात्तिक दोस्रो सातादेखि उपचारका लागि काठमाडौँ मेडिकल कलेज (केएमसी) मा भर्ना भएका थिए। उपचार कै क्रममा उनको निधन भएको परिवारले जनाएको छ।
६३ बर्षिय आलम विभिन्न रोगले ग्रस्त थिए। उनी लामो समय जेल बसेर छुटेका थिए। उच्चरक्तचाप, सुगर लगायत स्वास्थ्यमा समस्या देखिएपछि आलमलाई दसैंअघि देखि भर्ना गरिएको थियो । पछिल्लो एक सातादेखि आलमको भेन्टिलेटरमा राखेर उपचार भइरहेको थियो ।
आलमका छोरा डा. राजीक आलमका अनुसार आलमलाई डेढ महिना अघि भारतको नयाँ दिल्लीस्थित मेदान्त अस्पतालमा उपचार गराइएको थियो । ‘त्यहाँ स्वास्थ्यमा सुधार आए पछि घर ल्याएका थियौं । केही समयपछि स्वास्थ्य अवस्था झनै खराब भयो’ छोरा राजिकले भने ।
बमकाण्डमा जेल बसेका आलम गएको जेठ १४ गते नख्खु कारागारबाट छुटेको केही दिनमै मस्तिष्कघात भएपछि माइतीघरस्थित अन्नपूर्ण न्यूरो अस्पतालमा भर्ना गरिएको थियो ।
Rupee Exchange Rate