कांग्रेस नेता आलमको स्वास्थ्य अवस्था स्थिर
काठमाडौं । पूर्वमन्त्री तथा नेपाली कांग्रेसका नेता मोहम्मद अफताब आलमको स्वस्थ्यमा खराबी देखिएपछि अस्पतालमा उपचाररत छन् ।
रौतहट बमकाण्डका दोषी भनिएका आलम जेलबाट छुटेपछि बिरामी परेका थिए। एक साता अघि केएमसी हस्पिटलमा रहेका उनको भेन्टिलेटरमा उपचार भइरहेको छ ।
आलमलाई अघिल्लो बुधबार सिनामंगलस्थित केएमसी अस्पताल लगेर भर्ना गरिएको थियो। आलमको स्वास्थ्य अवस्थामा थप सुधार नआएको छोरा रजिक आलमले जानकारी दिए ।
रजिकका अनुसार, आलमलाई मस्तिष्कघात भएयता स्वास्थ्य अवस्थामा निरन्तर समस्या आइरहेको छ । केही समयअघि नयाँदिल्लीमा उपचार गरेर फर्किएका आलमलाई फेरि स्वास्थ्य समस्या आएपछि अस्पताल भर्ना गरिएको थियो ।
अस्पताल भर्नापछि उनको अवस्था थप नबिग्रिए पनि सुधार पनि नआएको बुझिएको छ। कांग्रेस राजनीतिमा लामो समय रजगज गरेका आलमलाई भेट्न् कुनै नेता नगएको परिवारको भनाइ छ।
Rupee Exchange Rate