प्राचार्य ओमराज मैनाली मृत भेटिए
काठमाडौं । चितवनमा एक स्कुलका प्राचार्य मृत भेटिएका छन् ।भरतपुर महानगरपालिकाको न्यू होराइजन इङ्लिस स्कुलका प्राचार्य ओमराज मैनाली मृत अवस्थामा पेला परेका हुन् ।
भरतपुर महानगरपालिका वडा नं. १ स्थित नारायणी नदी किनारमा मैनालीको शव भेटिएको जिल्ला प्रहरी कार्यालय चितवनले जनाएको छ ।
देवघाट जंगलको ढुंगेधारा ठीक तलपट्टी नारायणी नदी किनारमा घोप्टो परेको अवस्थामा उनको शव भेटिएको हो । मैनाली ३ दिनदेखि परिवारको सम्पर्कदेखि बाहिर रहेका थिए ।
भरतपुर महनगरपालिका वडा नं. ११ भोजाड बस्दै आएका ४५ बर्षका मैनालीले केहिदिन अघिमात्रै न्यू होराइजन इङ्लिस स्कुलमा सेवा आरम्भ गरेका थिए । त्यसअघि मैनाली अंकुरम एकेडेमीका सहायक प्राचार्यको रुपमा कार्यरत थिए । मैनालीका श्रीमती र २ छोरीहरु छन् ।
Comments
Rupee Exchange Rate