रास्वपाका मन्त्रीहरुले राजीनामा दिँदै

काठमाडौं, २० असार । राष्ट्रिय स्वतन्त्र पार्टी (रास्वपा) बाट मन्त्री रहेका चार सांसदले मन्त्री पदबाट राजीनामा दिने तयारी गरेका छन् । हालको पुष्पकमल दाहाल प्रचण्ड नेतृत्वको सरकारमा रहेका रास्वपका मन्त्रीहरुले आज राजीनामा बुझाउन लागेका हुन् ।

उपप्रधानमन्त्री तथा गृहमन्त्री रवि लामिछाने, श्रममन्त्री डोलप्रसाद अर्याल, शिक्षामन्त्री सुमना श्रेष्ठ र युवा तथा खेलकुद मन्त्री विराजभक्त श्रेष्ठले राजीनामा दिन लागेको रास्वपाका कार्यवाहक प्रवक्ता मनीष झाले जनाएका छन् ।

बुधबार नेकपा एमालेले समर्थन फिर्ता लिएसँगै प्रचण्ड सरकार अल्पमतमा परिसकेको छ । एमालेका मन्त्रीहरूले पनि सामूहिक राजीनामा दिइसकेका छन्।

नेकपा माओवादी केन्द्रसँगको गठबन्धन तोडेर नेकपा एमालेले प्रमुख प्रतिपक्ष दल नेपाली कांग्रेससँग सत्ता सहकार्य गर्ने सहमति गरेपछि सरकार परिवर्तन हुन लागेको हो।

Comments

सम्बन्धित शीर्षकहरु

आजको लोकप्रिय