भारतको लोकसभामा ४० दल बिजयी, कम्युनिस्ट घट्दै अरु कसको कति ?

परेवान्युज | जेष्ठ २३ गते, २०८१ - १७ः३६ मा प्रकाशित

काठमाडौं ।भारतको लोकसभा चुनावको सबै ५४३ सिटको मतपरिणाम आएको छ। यो चुनावबाट कम्युनिस्ट पार्टी पत्तासाफ भएको छ भने सत्ता पक्षिय दल कमजोर र बिपक्षी दल जुर्मुराएको देखिएको छ।केही प्रदेशमा क्षेत्रीय पार्टीहरु पनि हावी भएका छन् ।

चुनावी परिणाम अनुसार हिन्दुवादी भनिएको भारतीय जनता पार्टी (बिजेपी) ले एकल बहुमत गुमाएको छ। अघिल्लो चुनावमा एक्लै बहुमत ल्याएको भाजपा अहिले खुम्चिएको देखियो। यद्यपि भाजपा सम्मीलित गठबन्धनले भने २९३ सिट जितेको छ। यो सरकार बनाउन आवस्यक (२७२) भन्दा बढी हो।

त्यसैगरी अघिल्ला दुई निर्वाचनमा गम्भीर धक्का व्यहोरेको भारतीय कांग्रेस आइ प्रमुख प्रतिपक्ष दल बन्न सकेको छ। जुन अघिल्लोपटक आबश्यक १० प्रतिशत नहुदा प्रमुख प्रतिपक्षी दल बन्नबाट पनि वञ्चित भएको थियो।

लोकसभाको ५४३ सिटमा भएको चुनावमा भाजपा एक्लैले २४० सिट जितेको छ । गान्धी परिवारको नेतृत्वमा रहेको भारतीय कांग्रेस आईले ९९ सिट ल्याएको छ। उसले अघिल्लो पटक २०१९ मा ५२ र २०१४ को निर्वाचनमा ४३ सिट मात्र ल्याएको थियो। यस पटक कांग्रेसलाई ४७ सिटको फाइदा भएको छ।

तर, भारतको लोकसभा चुनावमा कम्युनिस्टहरु भने नराम्री पराजित भएका छन्। चुनावमा भाग नलिएका कम्युनिस्टहरुले पनि निर्वाचन रोक्न सकेको देखिएन। बहिस्कार गर्नेले चुनावी गतिविधिलाई सामान्य प्रभाव पारेपनी कुनैपनी ठाउँमा स्थगित भएन। चुनाव बहिस्कार गरेको पिपुल्स वार ग्रुप र एमसीसीआइ लडाकु गुरिल्लाले चुनावमा खासै बहिस्कार वा आफ्नो प्रभाव देखाउन सकेनन।

लोकसभा चुनावमा तीन वटा भारतीय कम्युनिस्ट पार्टीहरुले भाग लिएका थिए। सुरभरम सुधाकर रेड्डी नेतृत्वको कम्युनिस्ट पार्टी अफ इन्डियाले ४ सिट जितेको छ। त्यसैगरी सोही पार्टीबाट विभाजित भएर गठन भएको सीताराम येँचुरी नेतृत्वको कम्युनिस्ट पार्टी अफ इन्डिया (मार्कसिस्ट) ले पनि २ सिट र अर्को कम्युनिस्ट पार्टीले २ सिट मात्रै जितेको छ।

यसअघि २०१९ को लोकसभा चुनावमा ५ सिट जितेको कम्युनिस्टले २०१४ को लोकसभा चुनावमा जम्मा १० सिट जितेका थिए।२००४ को चुनावमा भने ५५ सिट जितेको थियो।

कसलाई कति सिट ?

१.भाजपा २४० सीट

२.कांग्रेस ९९ सीट

३.समाजवादी पार्टी ३७ सीट

४.तृणमूल कांग्रेस (टीएमसी) २९ सीट

५.द्रविड़ मुन्नेत्र कड़गम (डीएमके) २२ सीट

६.तेलुगू देशम पार्टी (टीडीपी) १६ सीट

७.जनता दल यूनाइटेड (जेडियु) १२ सीट

८.शिवसेना (उद्धव बालासाहेब ठाकरे) ९ सीट

९.राष्ट्रवादी कांग्रेस पार्टी (शरदचंद्र पवार) ८ सीट
१०.शिवसेना ७ सीट

११.लोक जनशक्ति पार्टी (रामविलास) ५ सीट