आइपिएलको उपाधिका लागि हैदराबाद र कोलकाता खेल्दै

काठमाडौं, १३ जेठ । भारतमा जारी इन्डियन प्रिमियर लिग (आइपिएल) क्रिकेट आज समापन हुँदै छ । आज उपाधिका लागि सनराइजर्स हैदराबाद र कोलकता नाइट राइडर्स खेल्दै छन् ।

खेल साँझ पौने ८ बजेदेखि चेन्‍नईमा सुरु हुने छ । हैदराबादले दोस्रो क्‍वालिफायरमा राजस्थान रोयल्सलाई हराएर फाइनलमा स्थान बनाएको थियो भने कोलकाताले पहिलो क्‍वालिफायरमा हैदराबादलाई नै हराएर सोझै फाइनलमा स्थान बनाएको थियो ।

हाल श्रेयस अय्यरको कप्तानीमा रहेको कोलकाताले २०१२ र २०१४ मा गरी दुईपटक आइपिएलको उपाधि जित्दा हैदराबादले सन् २०१६ को उपाधि जितेको थियो । हैदराबादको कप्तान प्याट कमिन्स छन् ।

कमिन्सले पछिल्लो समयमा अस्ट्रेलियालाई विश्‍व टेस्ट च्याम्पियनसिप र भारतमै भएको एकदिवसीय विश्‍वकप जिताएका छन् । उनी भारतमा ६ महिनाको अन्तरमा अर्को उपाधि जित्ने सोचमा छन् ।

खेल: सनराइजर्स हैदराबाद विरुद्ध कोलकता नाइट राइडर्स

समय: साँझ ७ः४५ बजेदेखि

स्थान: एमए चिदाबरम स्टेडियम, चेन्‍नई

Comments

सम्बन्धित शीर्षकहरु

आजको लोकप्रिय

  • ‘बोक्सीको घर’मा कलझगडा !

    काठमाडौं ।कलाकार केकी अधिकारीले निर्माण गरेको चलचित्र ‘बोक्सीको घर’ले बम्बर ब्यापारको साथमा ५१ दिन मनाएसँगै निर्देशक र...