सोमबारदेखि देशका धेरै स्थानमा वर्षाको सम्भावना
काठमाडौं, २२ वैशाख । लामो समयको खडेरीपश्चात् अन्तत: वर्षाको सम्भावना देखिएको छ । आगामी सोमबारदेखि देशका अधिकांश स्थानमा वर्षाको सम्भावना देखिएको हो ।
मौसमविद् उज्जवल उपाध्यायका अनुसार सोमबारदेखि केही दिनसम्म वर्षाको सम्भावना देखिएको छ । उपाध्यायका अनुसार सोमबार पूर्वी पहाडी क्षेत्र, काठमाडौं वरपर तथा गण्डकी क्षेत्रमा राम्रो वर्षाको सम्भावना छ ।
त्यस्तै मङ्गलबार देशैभर वर्षाको सम्भावना रहँदा गण्डकी क्षेत्र, काठमाडौं उपत्यका र वरपरका पहाडी भूभागमा ठुलो वर्षाको सम्भावना छ । बुधबार र बिहिबार पनि काठमाडौं लगायत देशका अधिकांश भूभागमा वर्षाको सम्भावना देखिएको छ ।
लामो समयको खडेरीपछि आगामी साता हुने वर्षाले ठुलो राहत दिने अनुमान गरिएको छ । पछिल्लो समय देशभर विभिन्न स्थानमा लागेको डढेलोले गर्दा हावा प्रदुषित बनेको छ भने वातावरणीय स्वच्छताको स्तर कम भएर निकै हानिकारक बनिसकेको छ । प्रदुषण पनि बढ्दै गएकाले विभिन्न स्वास्थ्यका समस्याहरु पनि देखिन थालेका छन् ।
अब विस्तारै प्रि मनसुनी गतिविधि सक्रिय हुने र वर्षा हुँदै जाँदा बढ्दो प्रदुषण रोकथाममा ठुलो राहत पुग्ने अनुमान छ ।
Rupee Exchange Rate