बिक्की अग्रवालको नयाँ शो ‘कमेडी दरबार’
काठमाडौं।कमेडियन बिक्की अग्रवालले नयाँ टेलिभिजन कमेडी शो ‘कमेडी दरबार’ ल्याउने भएका छन् ।
बिक्किले श्रीमती श्रद्धा प्रसाईं समेत मिलेर ल्याउन लागेको यो शो मा नायिका गौरी मल्ल शीर्ष भूमिकामा देखिने पक्का भएको छ।
कमेडी च्याम्पियन सिजन-१ का उपबिजेता समेत रहेका बिक्किको हाल ‘आम्मा कसम यहाँ दुख्छ…..’ कमेडी शो चलिरहेको थियो। तर उनले अभिनेता विजय बरालसँगै हिमेश पन्त, पवन खतिवडा, सुन्दर खनाल र विकास अर्याललाई लिएर नयाँ शो गर्न लागेका हुन् ।
यसमा थप केही कलाकार पनि अनुबन्धित हुने चरणमा रहेको निर्देशक द्वय बिक्की अग्रवाल र श्रद्धा प्रसाईँले बताएका छन् । हाल यस शो को लागि सेटको काम भइरहेको छ। अहिले आइरहेका टेलिभिजन कमेडी शो भन्दा फरक शैलीमा ल्याउने भनिएको यो कमेडी शो प्राइम टेलिभिजन मार्फत प्रसारण हुनेछ।
Rupee Exchange Rate