क्यानको निर्णय: पुरुष क्रिकेटरलाई एक लाखसम्म तलब, महिलालाई ५० हजार
काठमाडौं, १४ फागुन । नेपाल क्रिकेट संघ (क्यान)ले क्रिकेट खेलाडीको तलबमा वृद्धि गरेको छ । कप्तान रोहित कुमार पौडेल सहित क्यान केन्द्रिय सम्झौताको ‘ए’ ग्रेड मा परेका ६ खेलाडीले मासिक १ लाख रुपैयाँ तलब पाउने भएका छन् ।
क्यानको केन्द्रिय कार्यसमितिको बोर्ड बैठकले पुरुषतर्फ ए ग्रेडमा पर्ने खेलाडीलाई मासिक १ लाख रुपैयाँ तलब दिने निर्णय गरेको हो । त्यस्तै पुरुषतर्फ बी ग्रेडलाई ७० हजार, सी लाई ५५ हजार, डी लाई ३५ हजार तथा इमर्जिङ क्याटगोरीलाई २५ हजार रुपैयाँ दिने निर्णय भएको छ ।
महिलातर्फ ए ग्रेडका खेलाडीले ५० हजार रुपैयाँ प्राप्त गर्नेछन् । बी ग्रेडलाई ३५ हजार, सी लाई ३० हजार, डी लाई २५ हजार तथा इमर्जिङ क्याटगोरीलाई २० हजार रुपैयाँ दिने निर्णय गरेको हो ।
पुरुषतर्फ ३० खेलाडीले केन्द्रिय सम्झौता प्राप्त गर्दा महिलातर्फ १९ जना ग्रेडिङमा परेका छन् ।
पुरुषतर्फको तलब:
ग्रेड ए – रोहित पौडेल, सोमपाल कामी, दीपेन्द्रसिंह ऐरी, आसिफ शेख, कुशल भुर्तेल
ग्रेड बी – कुशल मल्ल, गुलशन झा, भीम सार्की, ललित नारायाण राजवंशी, अभिनाश बोहोरा
ग्रेड सी – विनोद भण्डारी, अर्जुन साउद, सन्दीप जोरा, प्रतिश जिसी
ग्रेड डी – पवन सर्राफ, सागर ढकाल, अनिल शाह, विवेक कुमार यादव, आकाश चन्द, बसिर अहमद, सूर्य तामाङ
इमर्जिङ क्याटगोरी – दीपेश कँडेल, रुपेश सिंह, रिजन ढकाल, विपिन खत्री, देव खनाल, अर्जुन घर्ती, हेमन्त धामी
महिलातर्फको तलब:
ग्रेड ए – इन्दु वर्मा, रुविना क्षेत्री, सिता रानामगर
ग्रेड बी – कविता कुँवर
ग्रेड सी – पुजा महतो, अश्मिना कर्मचार्य
ग्रेड डी – अप्सरी बेगम, कविता जोशी, संगीता राई, काजोल श्रेष्ठ, विन्दु रावल
इमर्जिङ – सोनी पाख्रिन, खुसी डंगोल, ज्योत्स्निका मरासिनी, कन्चन श्रेष्ठ, रुवी पोदार, सृष्टि जैशी, सम्झना खड्का, सना प्रविन
Comments
Rupee Exchange Rate