गृहमन्त्री श्रेष्ठको मुटुमा पुनः समस्या, एन्जियोप्लास्टी गरियो
काठमाडौं, २० मंसिर । उपप्रधानमन्त्री एवम् गृहमन्त्री नारायणकाजी श्रेष्ठको मुटुमा पुनः समस्या देखिएपछि शल्यक्रिया गरिएको छ ।
मंगलबार बेलुकी गंगालाल हृदय केन्द्र बाँसबारीमा उनको शल्यक्रिया गरिएको हो । गृह मन्त्रालयका अनुसार अहिले उनको अवस्था स्थीर छ ।
मन्त्री श्रेष्ठको मुटुको देव्रे नसा (left Anterior Descending Coronary Artery) को एन्जिओप्लास्टी गरिएको उनको सचिवालयले जानकारी दिएको छ ।
मन्त्री श्रेष्ठलाई छातीमा असहज महसुस भएपछि अस्पताल भर्ना गरिएको थियो । उनको मुटुको रक्तनलीमा आंशिक अवरोध देखिएपछि शल्यक्रिया गरिएको हो ।
डा. अरुण मास्केसहितको चिकित्सक टोलीले मन्त्री श्रेष्ठको एन्जिओप्लास्टी सर्जरी गरेको र मन्त्री श्रेष्ठ सघन उपचार कक्षमा उपचाररत रहेको गृहद्वारा जारी विज्ञप्तिमा उल्लेख छ ।
यसअघि उनी चीन भ्रमणमा रहेका बेला पनि मुटुमा समस्या देखिएपछि एन्जियोप्लास्टी गरिएको थियो ।
Rupee Exchange Rate