काठमाडौंबाट तीन दिनमा डेढ लाख यात्रु बाहिरिए
काठमाडौं, ३० असोज । बडादशैं मनाउनका लागि राजधानी काठमाडौंबाट तीन दिनमा एक लाख ५० हजार यात्रु बाहिरिएका छन् । यो संख्या अब झन् बढ्ने छ ।
काठमाडौँ उपत्यका ट्राफिक प्रहरी कार्यालयका अनुसार पछिल्लो तीन दिनमा एक लाख ५० हजार तीन सय नौ यात्रु उपत्यकाबाट बाहिरिएको जनाएको छ ।
ट्राफिक प्रहरीले उपत्यका बाहिरिने यात्रुको सहजताका लागि काठमाडौँ उपत्यकाभित्रका १५ स्थानमा यात्रु सहायता कक्ष सञ्चालन गरेको छ।
चाडपर्वको यातायात सहजताका लागि ट्राफिक प्रहरीले काठमाडौँ उपत्यकाभित्र एक हजार आठ सय जनशक्ति परिचालन गरिएको छ ।
Comments
Rupee Exchange Rate