एसियाली खेलकुद: क्रिकेटमा नेपालले मङ्गोलियासँग खेल्दै
काठमाडौं, ९ असोज । चीनमा जारी १९ औं एसियाली खेलकुद अन्तर्गत क्रिकेट प्रतियोगिताको आफ्नो पहिलो खेलमा नेपालले मङ्गोलियासँग खेल्दै छ । खेल नेपाली समय अनुसार बुधबार विहान पौने ७ बजे सुरु हुने छ ।
मङ्गोलियाले यसै खेलमार्फत टी२० अन्तर्राष्ट्रिय क्रिकेटमा डेब्यु गर्दै छ । तुलनात्मक रुपमा नेपालभन्दा मङ्गोलिया निकै कमजोर मानिएको छ । यस खेलमा नेपालले केही रेकर्ड बनाउने पनि अनुमान गरिएको छ ।
नेपालले आफ्नो दोस्रो खेल आइतबार माल्दिभ्ससँग खेल्ने छ । क्वाटरफाइनलमा पुग्ने लगभग निश्चित नै रहेको छ । क्वाटरफाइनलमा भारत, पाकिस्तान, बङ्गलादेश वा श्रीलंकामध्ये एक टोलीसँग नेपालले खेल्ने छ ।
Comments
Rupee Exchange Rate