प्रतिनिधिसभाका १० विषयगत समितिका सभापति घोषणा (को-को भए ?)

अर्थ समिति सभापति सन्तोष चालिसे

काठमाडौ।प्रतिनिधिसभा अन्तर्गत गठित १० वटा विषयगत समितिले पूर्णता पाएको छ। सोमबार ती समितिका सभापति घोषणा गरियो।
आइतबार दर्ता भएका नामलाई सोमबार सम्बन्धित समितिमा निर्णयार्थ प्रस्तुत गरिएपछी सभापति चुनिएका हुन् ।
नौ वटा विषयगत समितिमा एकल उम्मेदवारी र एउटा समितिमा दुई जनाको उम्मेदवारी प्रस्ताव दर्ता भएका कारण आज घोषणा गरिएको हो। जनमत पार्टी र राष्ट्रिय स्वतन्त्र पार्टीका दुई जनाको उम्मेदवारी रहेको उद्योग तथा वाणिज्य र श्रम तथा उपभोक्ता हित समितिको सभापतिमा पनि अन्तिममा सहमति भएको छ। जनमत पार्टीका अब्दुल खान र रास्वपाका गणेश पराजुलीको दाबी रहेकोमा अन्तिममा रास्वपाले फिर्ता लिएपछी खान सर्बसम्मत भए।
समितिका सभापतिहरुमा अर्थ समितिको सभापतिमा नेपाली कांग्रेसका सन्तोष चालिसे र अन्तर्राष्ट्रिय सम्बन्ध र पर्यटन समितिको सभापतिमा जसपाका राजकिशोर यादव छन् । यसैगरी कानुन, न्याय तथा मानवअधिकार समितिको सभापतिमा माओवादी केन्द्रका विमला सुवेदी, कृषि सहकारी तथा प्राकृतिक स्रोत समितिको सभापतिमा कांग्रेसका आरजु राणा देउवा, महिला तथा सामाजिक मामिला समितिको सभापतिमा किरणकुमार साह र राज्य व्यवस्था तथा सुशासन समितिमा रामहरि खतिवडा सभापति भएका छन् ।

त्यसैगरी, पूर्वाधार विकास समितिको सभापतिमा राप्रपाका दीपकबहादुर सिंह, शिक्षा, स्वास्थ्य तथा सूचना प्रविधि समितिको सभापतिमा एकीकृत समाजवादीका भानुभक्त जोशी र सार्वजनिक लेखा समितिको सभापतिमा एमालेका ऋषिकेश पोखरेल निर्वाचित भए।

निर्वाचित सभापतिहरुको सपथग्रहण अहिले ४:३० बजे हुनेछ।

Comments

सम्बन्धित शीर्षकहरु

आजको लोकप्रिय