परेवान्युज
|
जेष्ठ ३२ गते, २०८० - १२ः४७ मा प्रकाशित
तस्विर: एन्फा
काठमाडौं, ३२ जेठ । भारतमा सुरु हुन लागेको साफ च्याम्पियनसिप फुटबलको तयारीस्वरुप नेपाली राष्ट्रिय टोलीले आज फिलिपिन्ससँग मैत्रीपूर्ण फुटबल खेल खेल्दै छ । खेल नेपाली समयअनुसार साँझ पौने ५ बजे फिलिपिन्सको मनिलामा सुरु हुने छ ।
अर्को सातादेखि भारतमा साफ च्याम्पियनसिप सुरु हुँदै छ । त्यसैको तयारीका लागि नेपाली टोली किरण चेम्जोङको कप्तानीमा फिलिपिन्स पुगेको हो । त्यहाँबाट भारत प्रस्थान गर्ने छन् ।
साफ च्याम्पियनसिपमा नेपाल समूह ए मा भारत, कुवेत र पाकिस्तानसँगै परेको छ । अघिल्लो संस्करणमा नेपाल घरेलु मैदानमा नै फाइनलमा भारतसँग ३-० ले पराजित हुँदै उपविजेतामा सीमित बनेको थियो ।
Rupee Exchange Rate