एसिसी प्रिमियर कपमा नेपालले आज साउदी अरेबियासँग खेल्दै
काठमाडौं, ११ वैशाख । काठमाडौंमा जारी एसिसी प्रिमियर कप क्रिकेटअन्तर्गत सोमबार नेपालले साउदी अरेबियासँग खेल्दै छ । खेल विहान ९ बजेदेखि मुलपानी क्रिकेट मैदानमा सुरु हुने छ ।
नेपालले मलेसिया र ओमानमाथि जीत निकाल्दै समूहको शीर्षमा रहेर सेमिफाइनलमा स्थान बनाउने लगभग पक्का भइसकेको छ भने साउदी मलेसियासँग पराजित हुँदा कतारलाई हराएको थियो ।
आजको खेल जितेमा नेपालले एक खेल अगावै सेमिफाइनलमा स्थान बनाउने छ । दुई समूहबाट शीर्ष दुई टोलीले सेमिफाइनलमा स्थान बनाउने छन् भने विजेता टोलीले एसिया कप खेल्न पाउने छ ।
आजै कीर्तिपुरमा अर्को समूहका हङकङ र बहराइन खेल्दै छन् ।
Rupee Exchange Rate