सन्दीप प्रकरणमा जोडिएकी किशोरी नाबालिग नभएको प्रमाण !
काठमाडौं, २५ पुस । क्रिकेटर सन्दीप लामिछाने प्रकरणमा नाबालिका भनिएकी किशोरीको उमेर १८ वर्ष भन्दा बढी भएको जन्मदर्ता भेटिएको छ । स्रोतका अनुसार वीरगन्जस्थित नारायाणी क्षेत्रीय अस्पतालले किशोरीको जन्म मिति २०६१ भएको प्रमाण दिएको बुझिएको छ ।
सो प्रमाण जिल्ला अदालत काठमाडौँमा पठाएको समेत स्रोतको भनाइ छ । यद्यपि यो मुद्दा अदालतमा रहेकोले परेवान्युज स्रोतले यसबारे थप कुरा खुलाउन चाहेन ।
सन्दीप लामिछाने विरुद्ध जाहेरी दिने किशोरीको जन्म मिति २०६१ जेठ १८ कि २०६२ जेठ १८ भन्ने विवाद अदालतसम्म पुगेको छ। पछिल्लो प्रमाण सहि ठहरिएमा किशोरीको जन्म २०६१ भन्ने बुझिन्छ । यसले किशोरी नाबालिक नरहेको प्रमाण पुष्टि गर्दछ ।
यसअघि सन्दीप लामिछाने कै कानुन व्यावसायीले किशोरी नाबालिग नभएको दाबी गर्दै उनी जन्मिएको प्रमाण अस्पतालबाट झिकाउन माग गरेका थिए ।
हाल थुनामा रहेका सन्दीपलाई नियोजित रुपमा फसाइएको आरोप एकातिर लागिरहेको छ भने अर्कोतिर सन्दीप आफैंले पनि निर्दोष रहेको बताइरहेका छन् ।
यद्यपि मुद्दाको सुनुवाइ बाँकी छ ।
Rupee Exchange Rate