सिटीमाथि लिभरपुलको जीत, आर्सनल शीर्षमा यथावत्
काठमाडौं, ३१ असोज । इंग्लिस प्रिमियर लिग फुटबलअन्तर्गत गएराति भएको खेलमा लिभरपुलले झिनो अन्तरको जीत निकालेको छ । लिभरपुलले म्यान्चेस्टर सिटीलाई १-० गोलले हराएको हो ।
घरेलु मैदानमा लिभरपुलको जीतमा मोहमद सालाहले एकमात्र गोल गरे । दोस्रो हाफको ७६औं मिनेटमा सालाहले गरेको गोल नै निर्णायक बनेको थियो ।
यस जितसँगै लिभरपुल ९ खेलबाट १३ अंक जोडेर आठौं स्थानमा उक्लिएको छ । पराजित सिटीको १० खेलबाट २३ अंक छ ।
सिटीले शीर्षस्थानको आर्सनलसँगको अंक दुरी छोट्याउने अवसर गुमायो । शीर्षमा आर्सनलको २७ अंक रहेको छ । आर्सनलले गएराति लिड्स युनाइटेडलाई १-० ले हराएको थियो ।
Comments
Rupee Exchange Rate