बारामा बस दुर्घटना हुँदा १५ जनाको मृत्यु
बारा, २० असोज । बारामा बस दुर्घटना हुँदा १५ जनाको मृत्यु भएको छ । नारायणगढबाट वीरगञ्ज जाँदै गरेको बस बिहिबार विहान जितपुर सिमरा उपमहानगरपालिका–२२ अन्तर्गत तीन नम्बर पुल नजिकै दुर्घटना हुँदा अन्य ३६ जना घाइते भएका छन् ।
बागमती प्रदेश ०६–००१ ख ०११० नम्बरको बस सडकमा अनियन्त्रित भएर पल्टिएको हो । दुर्घटनामा परी ९ पुरुष र ६ महिला गरी १५ जनाको मृत्यु भएको हो । मृतक सबैको सनाखत हुन बाँकी छ ।
घाइतेको हेटौँडा अस्पताल, चुरेहिल अस्पताल र मकवानपुर सहकारी अस्पतालमा उपचार भइरहेकोे छ ।
घाइते केहीलाई थप उपचारका लागि चितवन लगिएको छ ।
Comments
Rupee Exchange Rate