आज संविधान दिवस
काठमाडौं, ३ असोज । आज संविधान दिवस अर्थात् जनताबाट निर्वाचित जनप्रनिधिबाट गठन भएको संविधानसभाबाट संविधान जारी भएको दिन । वि.सं २०७२ साल असोज ३ गते तत्कालीन राष्ट्रपति रामवरण यादवले संविधान जारी गरेका थिए ।
संविधान दिवसको अवसरमा विभिन्न कार्यक्रम गरी मनाइँदैछ । दिवसका अवसरमा सोमबार संविधान दिवस मूल समारोह समितिले राजधानीमा विशेष समारोहको आयोजना गरेको छ । समारोहमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री शेरबहादुर देउवा, पूर्वप्रधानमन्त्रीहरू, सभामुख, राष्ट्रियसभाका अध्यक्ष, संवैधानिक निकायका प्रमुखलगायतलाई आमन्त्रण गरिएको छ ।
समारोहमा पुष्पवृष्टि, नेपाली सेना, सशस्त्र प्रहरी, नेपाल प्रहरी र स्काउटद्वारा कवाज, विभिन्न धार्मिक–सामाजिक संघसंस्थाबाट विभिन्न जातजातिको भेषभूषा झल्कने झाँकी प्रदर्शन गर्ने कार्यक्रम छ ।
दिवसका अवसरमा आज मुलुकभर सार्वजनिक बिदा पनि दिइएको छ ।
Comments
Rupee Exchange Rate