चितवन गोल्डकप: मनाङ र बागमतीबीच बराबरी, टाइब्रेकर भोलि
चितवन, २७ भदौ । चितवनको भरतपुरमा जारी चितवन गोल्डकप फुटबलको पहिलो क्वाटरफाइनल खेलमा मनाङ एफसी र बागमती नगरपालिकाले बराबरी खेलेका छन् ।
सोमबार भएको खेलमा दुवै टोलीले १-१ गोलको बराबरी खेलेका हुन् । खेलको पहिलो हाफमा बागमतीले गोल गर्दै अग्रता बनाएको थियो भने दोस्रो हाफमा मनाङका फोफानाले बराबरी गोल फर्काए ।
वर्षाका कारण केही ढिला सुरु भएको खेल बराबरी भएपछि टाइब्रेकर भने भोलि खेलाइने छ । निर्धारित समय सकिँदा अँध्यारो हुँदै गएपछि खराब प्रकाशका कारण टाइब्रेकर गर्न नसकिएको हो ।
प्रतियोगितामा मङ्लबार दिउँसो एपिएफ क्लब र क्यामरुनको एभिनुर एफसी भिड्नेछन् । खेल दिउँसो ४ बजेदेखि सुरु हुनेछ ।
भरतपुर फुटबल क्लबको आयोजनामा सुरु भएको गोल्डकपमा स्वदेशी र विदेशी गरी १० टोली सहभागी भएका छन् ।
Rupee Exchange Rate