चितवन गोल्डकप फुटबलमा भरतपुर एफसीको विशाल जीत
चितवन, २६ भदौ । चितवनको भरतपुरमा शनिबारदेखि सुरु भएको चितवन गोल्डकप फुटबलमा आयोजक भरतपुर एफसीले विजयी सुरुवात गरेको छ ।
भरतपुरले भारतको मोतिहारी एफसीलाई ९ ० को विशाल अन्तरले हराएको हो ।
भरतपुरको जीतमा राज भुसालले दोहोरो ह्याट्रिक गरे भने रञ्जित मगरले २ गोल गर्दा रोशन क्षेत्रीले एक गोल गरे ।
प्रतियोगितामा आइतबार सिमराको नव जनजागृति युवा क्लब र मकवानपुर एघार भिड्नेछन् । खेल दिउँसो ४ बजेदेखि सुरु हुनेछ ।
भरतपुर फुटबल क्लबको आयोजनामा सुरु भएको गोल्डकपमा स्वदेशी र विदेशी गरी १० टोली सहभागी भएका छन् ।
Rupee Exchange Rate