धादिङका पुरुष र दाङकी महिला बुटवलको होटलमा मृत फेला

रुपन्देही, ३१ साउन । रुपन्देहीको बुटवलस्थित एक होटलमा पुरुष र महिला मृत भेटिएका छन् ।

फूलबारी चोकमा रहेको कारीकोट होटलको कोठामा सोमबार दुई जना मृत फेला परेको प्रहरीले जनाएको छ ।

उनीहरू आइतबार राति होटलको कोठामा सँगै बसेका थिए । पुरूष झुण्डिएको अवस्थामा मृत फेला परेका थिए भने महिला ओछ्यानमा मृत फेला परेकी थिइन् ।

इलाका प्रहरी कार्यालय बुटवलका अनुसार मृत भेटिनेमा धादिङ घर भएका ३६ वर्षीय सिताराम भुजेल छन् भने दाङकी २५ वर्षीया महिला छन् । उनको नाम यकिन भएको छैन ।

दुवैको शव पोस्टमर्टमका लागि लुम्बिनी प्रादेशिक अस्पताल पठाइएको र घटनाबारे अनुसन्धान सुरु गरिएको छ ।

Comments