कोदालो प्रहार गरी भतिजाले गरे काकाको हत्या
महोत्तरी, ६ साउन । महोत्तरीको पिपरा गाउँपालिका–५ सहोडवा गाउँमा आफ्नै भतिजाले कोदालो प्रहार गरी काकाको हत्या गरेका छन् ।
४० वर्षीय भतिजा रामनाथ दासले ६० वर्षीय काका रामबहादुर दासलाई कोदालो प्रहार गरी हत्या गरेका हुन् ।
बिहीबार खेतमा काम गरेर घरभन्दा २०० मिटर टाढा बगैँचामा बसिरहेका भतिजा रामनाथलाई काका रामबहादुरले घर आउनका लागि बोलाउन जाँदा भतिजा रामनाथले खेतमा काम गरेर आफूसँगै ल्याएको कोदालो तत्कालै काकाको टाउकामा प्रहार गरेर हत्या गरेका थिए ।
रामनाथले काका रामबहादुरको टाउकामा कोदालो प्रहार गर्नासाथ घटनास्थलमै मृत्यु भएको थियो ।
प्रहरीले घटनाबारे अबेर साँझ जानकारी पाएर शवको सर्जमिन मुचुल्का गरी परीक्षणका लागि गए राति जिल्ला अस्पताल जलेश्वरमा ल्याएको छ ।
काका हत्या गर्ने भतिजालाई पनि घरैबाट पक्राउ गर्न सफल भएको जिल्ला प्रहरी कार्यालयले जनाएको छ ।
Comments
Rupee Exchange Rate