ट्रक र स्कार्पियो ठोक्किँदा सात घाइते
चितवन, १ साउन । नारायगढ–मुग्लिन सडकखण्डअन्तर्गत चितवनको भरतपुर महानगरपालिका–२९ केराबारीमा ट्रक र स्कार्पियो एकआपसमा ठक्कर खाँदा सातजना घाइते भएका छन् ।
नारायणगढबाट काठमाडौँतर्फ जाँदै गरेको ना ६ ख २७७२ नम्बरको ट्रकले शनिबार साँझ विपरीत दिशाबाट आउँदै गरेको ग २ च ३५१२ नम्बरको स्कारपियोलाई ठक्कर दिएको थियो ।
घाइतेमध्ये तीनको अवस्था गम्भीर रहेको जनाइएको छ । सबैको चितवन मेडिकल कलेजमा उपचार भइरहेको जिल्ला प्रहरी कार्यालयले जनाएको छ ।
Comments
Rupee Exchange Rate