खोलाले बगाएका बालकको शव भेटियो
कैलाली, १७ असार । कैलालीको गौकन्द्री खोलामा एक बालकको शव भेटिएको छ ।
बिहिबारदेखि बेपत्ता धनगढी उप-महानगरपालिका -१९ मा बस्ने ११ वर्षीय निखिल विकको शव शुक्रबार बिहान खोलामा किनारमा भेटिएको हो ।
परिवारका अनुसार विक बुधबार दिउँसो साथीहरुसँग खोलामा नुहाउन गएका थिए । सोही क्रममा उनलाई खोलाले बगाएपछि बेपत्ता भएका थिए ।
बेपत्ता भएका बालकलाई आफन्त, प्रहरी, नेपाली सेनालगायतले रातभर नदीको विभिन्न भागमा खोजतलास गरे पनि फेला परेका थिएनन् ।
शुक्रबार बिहान उनी सोही स्थानमा खोला किनारमा भेटिएका हुन् । शवलाई मोस्टमार्टमको लागि सेती प्रादेशिक अस्पताल धनगढी पठाइएको छ ।
घटनाबारे थप आवश्यक अनुसन्धान सुरु गरिएको छ ।
Comments
Rupee Exchange Rate