धादिङमा बस दुर्घटना हुँदा ३० घाइते, सातको अवस्था गम्भीर
धादिङ, १७ असार । धादिङमा बस दुर्घटना हुँदा ३० जना घाइते भएका छन् । पृथ्वी राजमार्गअन्तर्गत धादिङकाे गल्छी गाउँपालिका-६ चिरौँदीमा गएराति करिब २ बजेतिर बस दुर्घटनामा परेको हो ।
काठमाडौंबाट रौतहटका लागि छुटेकाे प्रदेश ३–०१–००५ ख–९७२९ नम्बरको बस गएराति दुर्घटनामा परेकाे हाे ।
बस सडकमा पल्टेर दुर्घटना भएको इलाका प्रहरी कार्यालय गजुरीले जनाएको छ । खाल्डाखुल्डी परेकाे र घुम्ती सडकका कारण दुर्घटना भएको थियो ।
दुर्घटनामा सामान्य घाइते भएकाहरुको स्थानीय स्वास्थ्यचौकीमा उपचार भइरहेको छ ।
सात जना गम्भीर घाइते भएकाहरुलाई थप उपचारका लागि काठमाण्डौकाे ट्रमा सेन्टरमा पठाइएको छ ।
Comments
Rupee Exchange Rate