काठमाडौं मै ३ सिट जित्ने उज्यालोको दाबी
काठमाडौं । पूर्वमन्त्री कुलमान घिसिङ नेतृत्वको उज्यालो नेपाल पार्टीले काठमाडौं उपत्यकाबाट कम्तीमा ३ सिट जित्ने दाबी गरेको छ। यद्यपि यो संख्या अझै बढ्ने उज्यालोको बुझाइ छ।
उज्यालो नेपालले काठमाडौं-३ बाट पार्टी अध्यक्ष कुलमान घिसिङलाई उम्मेदवार बनाएको छ। यहाँ नेपाली कांग्रेसले रमेश अर्याल र एमालेले वाग्मती प्रदेशका पूर्वमन्त्री रामेश्वर फुयाललाई उम्मेदवार बनाएको छ। राष्ट्रिय स्वतन्त्र पार्टीले भने काठमाडौं महानगरका पूर्वप्रहरी प्रमुख एवं बालेन साहका विश्वासपात्र राजुनाथ पाण्डे र नेकपाले निरज लामालाई उम्मेदवार बनाएको छ।
चुनाव आउन ४ दिन मात्रै बाँकी हुँदा पनि उज्यालो नेपाल,नेपाली कांग्रेस र एमालेले मात्रै प्रचारप्रसारलाई व्यापक बनाएका छन् । रास्वपाले प्रचारप्रसार गरेपनी उम्मेदवारको प्रभाव खासै नभएकोले जित्ने आशा गरेको छैन। यो क्षेत्रमा उज्यालो नेपाल सहित कांग्रेस र एमाले बीच नै प्रतिस्पर्धा हुने देखिन्छ।
उज्यालो नेपालले काठमाडौं ३ लाई पनि जित्ने सूचीमा राखेको छ। त्यसैगरि ललितपुर-२ नम्बर क्षेत्र र काठमाडौं ९ पनि जित्ने उज्यालोको बुझाइ छ। काठमाडौं ९ मा रामेश्वर श्रेष्ठ र ललितपुर-२ मा अभियन्ता राजाराम तण्डुकार उम्मेदवार छन् । स्रोतका अनुसार यी बाहेक पनि उज्यालो नेपालले अन्य केही क्षेत्रलाई जित्ने प्रयास गरिरहेको छ। जुन कुरालाई हल्ला नगरी नतिजा हत्याउने योजना मानिएको छ।
उज्यालो नेपालले रवि लामिछाने नेतृत्वको रास्वपा र बालेन साहसँग एकता गरेर पनि केही दिनमै छुट्टीएर एक्लै चुनावमा होमिएको हो। रास्वपा नेतृत्वबाट धोका पाएकोले उज्यालोले प्रत्येक्षमा आफ्नै चुनाव चिन्ह पाए पनि समानुपातिकमा भने बाँसुरी चुनाव चिन्ह लिनुपरेको छ।
Rupee Exchange Rate