बुधबार राति पूर्वी क्षेत्रमा भारी वर्षा हुन सक्ने, सतर्क रहन आग्रह
काठमाडौं । मौसमविदले बुधबार देशको अधिकांश स्थानमा मौसम बदली भएर वर्षा हुने जनाएका छन् । साथै बङ्गालको खाडीमा बन्ने न्यूनचापीय रेखाका कारण केही ठाउँमा भारी वर्षा हुन सक्ने बताएका छन् ।
मौसमविद् विनोद पोखरेलका अनुसार बुधबार रातिदेखि बंगलको खाडीमा बन्न लागेको न्यूनचापीय वायुको असरले गर्दा नेपालको लुम्बिनी देखि पूर्वसम्म धेरै ठाउँमा भारी वर्षाको सम्भावना देखिएको बताए ।
‘२ वोटा मोडलले अलि फरक देखाएकोले अहिले नै कुन भेगमा भरि वर्षा हुन्छ भन्न कठिन छ तर मधेश र कोशी प्रदेशका केहि स्थानमा भरि देखि भिषण वर्षा हुन सक्छ है। तेसैले सचेत रहनु होला’ उनले भनेका छन् ।
मौसम पुर्वानुमान महाशाखाले भने आज दिउँसो लुम्बिनी प्रदेशलगायत देशका पहाडी भूभागमा आंशिकदेखि साधारणतया बदली रही बाँकी भागमा मौसम सफा रहने जनाएको छ ।
Rupee Exchange Rate