सुतिरहेका बेला आएको पहिरोले चारजनाको ज्यान लियो
बझाङ, ३ भदौ । बझाङमा अविरल वर्षापछि आएको पहिरोमा परी चारजनाको ज्यान गएको छ । सोमबार मध्यराति करिब १ बजेको समयमा बुंगल नगरपालिका-१० को टुमेडामा घरमाथिबाट आएको पहिरो खस्दा सुतिरहेका चारजनाको ज्यान गएको हो ।
प्रहरीले दिएको जानकारी अनुसार स्थानीय विर बहादुर धामीको घर माथिबाट एक्कासी पहिरो आई घर भित्र सुतिरहेका १० जना मध्ये ६ जना भागेर ज्यान बचाउन सफल भएका थिए ।
अन्य ४ जना बेपत्ता रहेको भन्ने खबर प्राप्त हुनासाथ घटनास्थलमा खटिएको प्रहरी टोली र स्थानीयको सहयोगमा बेपत्ता भएका ४ जनाको शव प्राप्त भएको थियो । घाइते ६ जनाको उपचार पश्चात् अवस्था सामान्य रहेको र अन्य उद्धार कार्य जारी रहेको प्रहरीले जनाएको छ ।
पहिरोमा पुरिएर मृत भेटिनेमा ५५ वर्षीय काली धामी, २५ वर्षीय गोल्की धामी, ६ वर्षीया आकृति धामी र ३ वर्षीया लक्ष्मी धामी छन् ।
Comments
Rupee Exchange Rate