प्रधानमन्त्री प्रचण्डले बोलाए गठबन्धनको बैठक
काठमाडौं, २४ पुस । प्रधानमन्त्री पुष्पकमल दाहाल प्रचण्डले गठबन्धनका दलहरुको बैठक बोलाएका छन् । साँझ ५ बजेका लागिप्रधानमन्त्री निवास बालुवाटारमा बैठक डाकिएको हो ।
राष्ट्रियसभा निर्वाचनमा गठबन्धनका उम्मेदवारलाई जिताउने पूर्व तयारीका लागि बैठक बोलाइएको बुझिएको छ । गठबन्धनका दलहरुबीच अन्तर पार्टी समन्वयलाई प्रभावकारी बनाउने विषयमा छलफल गर्न बैठक बोलाइएको एक नेताले बताएका छन् ।
राष्ट्रिय सभा निर्वाचनका लागि उम्मेदवारीको मनोनयन भइसकेको छ । गठबन्धनका दलबाट कांग्रेसका १०, माओवादी केन्द्रका ६, एकीकृत समाजवादीका २ र जनता समाजवादीका एक जनाले उम्मेदवारी दर्ता गराएका छन् ।
आउँदो माघ ११ गते राष्ट्रिषसभामा रिक्त १९ सिटका लागि निर्वाचनको मिति तोकिएको छ ।
Rupee Exchange Rate