क्रिकेट विश्वकप: अपराजित दक्षिण अफ्रिका र जीतविहीन नेदरल्यान्ड्स खेल्दै
काठमाडौं, ३० असोज । भारतमा जारी आइसिसी क्रिकेट विश्वकप २०२३ अन्तर्गत आज दक्षिण अफ्रिका र नेदरल्यान्ड्सबीच खेल हुँदै छ । धर्मशालास्थित हिमाञ्चल प्रदेश क्रिकेट रङ्गशालामा खेल दिउँसो सवा २ बजेदेखि सुरु हुनेछ ।
यस खेलमा आइपुग्दा दुवै टोलीको अवस्था ठ्याक्कै विपरित छ । दक्षिण अफ्रिकाले खेलेका दुईवटै खेल जितेको छ भने नेदरल्यान्ड्स दुईवटै खेलमा पराजित रहेको छ ।
दक्षिण अफ्रिकाले श्रीलंका र अस्ट्रेलियालाई ठुलो अन्तरले हराएको थियो भने नेदरल्यान्ड्स पाकिस्तान र न्युजिल्यान्डसँग पराजित भएको थियो ।
नेदरल्यान्ड्स एक ठुला टोलीलाई हराएर अप्रत्याशित नतिजा निकाल्न चाहन्छ भने दक्षिण अफ्रिका लगातार तेस्रो जितसहित सेमिफाइनलको सम्भावना थप मजबुत बनाउँदै लैजान चाहन्छ ।
Comments
Rupee Exchange Rate