विश्वकपमा आज न्युजिल्यान्ड र बङ्गलादेश भिड्दै
काठमाडौं, २६ असोज । भारतमा जारी आइसिसी एकदिवसीय क्रिकेट विश्वकप अन्तर्गत शुक्रबार न्युजिल्यान्ड र बङ्गलादेशबीच खेल हुँदै छ । चेन्नईस्थित एमए चिदाबरम क्रिकेट स्टेडियममा हुने खेल दिउँसो सवा २ बजेदेखि सुरु हुने छ ।
न्युजिल्यान्डले हालसम्म खेलेका दुवै खेल जितेको छ भने बङ्गलादेश एक खेल जित्दा एकमा पराजित भएको छ । न्युजिल्यान्डले इंग्ल्यान्ड र नेदरल्यान्ड्सलाई सहजै हराएको थियो । त्यस्तै बङ्गलादेशले अफगानिस्तानलाई हराउँदा इंग्ल्यान्डसँग ठुलो अन्तरले पराजित भएको थियो ।
न्युजिल्यान्ड लगातार तेस्रो जीतको खोजीमा हुनेछ भने बङ्गलादेश दोस्रो जीत निकाल्दै न्युजिल्यान्डलाई शीर्षमा जानबाट रोक्न चाहन्छ ।
पहिलो दुई खेल नखेलेका कप्तान केन विलियमसन आज न्युजिल्यान्डको टोलीमा फर्कने छन् । उनले ६ महिनादेखि टोलीका लागि खेलेका छैनन् ।
Comments
Rupee Exchange Rate