एमाले बागमतीको नेतृत्व चयनका लागि आज मतदान हुँदै
काठमाडौं, ११ असोज । नेकपा एमालेको बागमती प्रदेश अधिवेशनअन्तर्गत नयाँ नेतृत्व चयनका लागि आज मतदान हुँदै छ। बिहिबार विहान पार्टी कार्यालय च्यासलमा मतदान सुरु हुने छ ।
एमालेले ४० वटा भोटिङ मेसिनको प्रयोग गरेर मतदान प्रक्रिया गर्दै छ । एमाले बागमतीमा १ हजार १६४ जना मतदाता रहेका छन् । ५ पदाधिकारीका लागि २६ जनाको उम्मेदवारी परेको छ भने केही केन्द्रीय सदस्य सर्वसम्मत भएको बताइएको छ।
अध्यक्षमा मकवानपुरका कृष्णप्रसाद दाहाल, रामेछापका कैलाश ढुंगेल, काठमाडौंका सानुकुमार श्रेष्ठ, रामेछापकै केशरबहादुर बुढाथोकी, नुवाकोटका केशव पाण्डे बीच प्रतिस्पर्धा हुँदै छ ।
अहिलेसम्म पनि दाबी विरोध नसकिएकाले दाबी विरोधपछि उम्मेदवारको अन्तिम नामावली प्रकाशन हुने एक नेताले बताएका छन् ।
Rupee Exchange Rate