राष्ट्रपतिमा रामचन्द्र पौडेल निर्वाचित
काठमाडौं, २५ फागुन । नेपालको नयाँ राष्ट्रपतिमा नेपाली काँग्रेसका उम्मेदवार रामचन्द्र पौडेल निर्वाचित भएका छन् ।
बिहिबार संघीय संसदमा भएको निर्वाचनमा पौडेलले २१४ संघीय सांसद र ३५२ प्रदेश सांसदको मतबाट कुल ३३ हजार ८०२ मतभार पाएर निर्वाचित भएका हुन् ।
अर्का उम्मेदवार एमालेका सुवासचन्द्र नेम्वाङले १५ हजार ५१८ मतभार पाएका छन् । उनले ९६ संघीय सांसद र १६२ प्रदेश सांसदको मत पाएका हुन् ।
निर्वाचन कार्यालयले आधिकारिक जानकारी भने सार्वजनिक गर्न बाँकी रहेको छ ।
Rupee Exchange Rate