पोखरामा बसले स्कुटरलाई ठक्कर दिँदा युवतीको ज्यान गयो
पोखरा, २६ माघ । पोखराको पृथ्वीचोकमा बिहिबार विहान यात्रुवाहक बसले स्कुटरलाई ठक्कर दिँदा युवतीको ज्यान गएको छ ।
पोखराको बुद्धचोकबाट पृथ्वीचोकतर्फ आउँदै आउँदै ग १५ प २४७६ नम्बरको स्कुटरलाई सोही दिशाबाट आएको ना ८ ख ५२५१ नम्बरको बसले चाइनापुलनजिकै ठक्कर दिँदा स्कुटर चालक २७ वर्षीया रेजिना आचार्यको मृत्यु भएको हो ।
करिब ९ बजे भएको घटनामा घाइते आचार्यलाई उपचारका लागि पश्चिमाञ्चल सामुदायिक अस्पताल लगिएको भएपनि उपचारका क्रममा मृत्यु भएको हो ।
घटनापछि बस र चालक प्रहरी नियन्त्रणमा छन् भने थप अनुसन्धान भइरहेको छ ।
Rupee Exchange Rate