विमान दुर्घटनास्थलको निरीक्षण र प्रमाण संकलन काम सकियो

फाइल तस्वीर

पोखरा, १० माघ । पोखरामा अघिल्लो आइतबार भएको विमान दुर्घटनाबारे अध्ययन गर्न गठित जाँच आयोगले दुर्घटनास्थलको निरीक्षण र प्रमाण संकलनको काम सम्पन्न गरेको छ ।

घटना भएकै दिनबाट काम थालिएको जनाउँदै आयोगले एक विज्ञप्ति जारी गरेर अहिलेसम्म भएका कामको विवरण सार्वजनिक गरेको हो । अहिलेसम्म घटनास्थलको विस्तृत निरीक्षणको काम सम्पन्न भएको छ ।

दुर्घटनास्थलबाट आवश्यक पार्टपूर्जा र वायुयानका रेकर्डर संकलनको काम समेत सम्पन्न भएको छ । आयोगले प्रत्यक्षदर्शीसँग कुराकानी, वायुसेवा सञ्चालकबाट आवश्यक कागजात संकलनको काम समेत सम्पन्न गरेको जनाएको छ ।

अब नियामक निकाय नेपाल नागरिक प्राधिकरण र मन्त्रालयबाट कागजात संकलनको काम जारी रहेको आयोगको भनाइ छ ।

Comments

सम्बन्धित शीर्षकहरु

आजको लोकप्रिय