तराइमा दिउँसोसम्म हुस्सु लाग्ने, भोलि केही ठाउँमा पानी पर्ने सम्भावना
काठमाडौं, ८ पुस । शुक्रबार देशैभरको मौसम बदली भएको छ । विहानैदेखि तराइका धेरै ठाउँमा बाक्लो हुस्सु र कुहिरो लागेको छ भने अन्य ठाउँको पनि मौसम खुलेको छैन ।
तराईमा दिउँसोसम्म नै हुस्सु कुहिरो लाग्ने तथा पहाडी जिल्लाहरुमा कुहिरो हटेरदिउँसो घाम लाग्ने मौसमविदले बताएका छन् । तर आज पारिलो घाम भने नलाग्ने बताइएको छ ।
त्यसैगरी भोलि बाग्मती, गण्डकी र लुम्बिनी प्रदेशमा पानी पर्ने सम्भावना रहेको छ । हिउँदे वर्षा हालसम्म सुरु नभएपनि पश्चिमी न्युनचापीय प्रणालीको असरले भोली हल्का वर्षाको सम्भावना रहेको जनाइएको हो ।
काठमाडौंमा भने आज यसवर्षकै सबैभन्दा बढी चिसो छ । हिजोको न्युनतम तापक्रम ६.५ डिग्री सेल्सियस रहेकोमा आज काठमाडौंको न्यूनतम तापक्रम ५.२ डिग्री सेल्सियसमा झरेको छ ।
हिमाली र उच्च पहाडी जिल्लामा आज रातिदेखि नै हिमपात हुने अनुमान छ ।
Rupee Exchange Rate