नेपाल र युएईबीचको तेस्रो तथा निर्णायक एकदिवसीय खेल आज
काठमाडौं, २ मंसिर । नेपाल र युएईबीचको एकदिवसीय अन्तर्राष्ट्रिय क्रिकेट श्रृंखलाअन्तर्गत आज तेस्रो तथा निर्णायक खेल हुँदै छ । खेल अहिले विहान ९ बजेदेखि त्रिवि क्रिकेट मैदानमा सुरु हुने छ ।
तीन खेलको श्रृंखला १ १ को बराबरीमा पुगेको अवस्थामा आजको खेल निर्णायक साबित हुने छ । खेल जित्नेले श्रृंखला आफ्नो पक्षमा पार्ने छ ।
सोमबार भएको पहिलो खेलमा नेपाल ८४ रनले पराजित भएको थियो भने बुधबार भएको दोस्रो खेलमा ३ विकेटको जीत निकालेको थियो ।
दुवै टोली अन्तिम खेलमा जीत निकाल्दै श्रृंखला जित्ने दाउमा हुनेछन् ।
एकदिवसिय अन्तर्राष्ट्रिय वरियतामा नेपाल १९औं स्थानमा छ भने युएई १६औं स्थानमा रहेको छ ।
Comments
Rupee Exchange Rate