युएईसँगको दोस्रो एकदिवसीय जित्न नेपाललाई १९२ रनको लक्ष्य
काठमाडौं, ३० कात्तिक । त्रिवि क्रिकेट मैदानमा जारी नेपाल र युएईबीचको एकदिवसीय श्रृंखलाअन्तर्गत दोस्रो खेल जित्नका लागि नेपालले १९२ रनको विजयी लक्ष्य पाएको छ ।
टस जितेर पहिले ब्याटिङ गरेको युएईले ४३.२ ओभरमा अलआउट हुँदै १९१ रन बनायो । उसका लागि मोहम्मद वासिमले सर्वाधिक ५० रन बनाए भने अलिशान शराफुले ३५ रनको योगदान दिए ।
नेपालका लागि सोमपाल कामी र ललित राजवंशीले ३-३ विकेट लिँदा करण केसी, गुलशन झा, कुशल भुर्तेल र दीपेन्द्रसिंह ऐरीले १-१ विकेट लिए ।
सोमबार भएको पहिलो खेलमा पराजित भएको नेपाल आजको खेल जित्दै श्रृंखला बराबरीमा ल्याउन चाहन्छ ।
नेपाल केहीबेरमा जवाफी ब्याटिङमा उत्रदैं छ ।
Rupee Exchange Rate