तनहुँ क्षेत्र नं १ मा वरिष्ठ नेता पौडेल
तनहुँ, २३ असोज । आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि नेपाली काँग्रेसले दुवै क्षेत्रको उम्मेदवार टुङ्गो लगाएको छ । शनिबार राति मात्रै काँग्रेसले उम्मेदवार टुङ्गो लगाएको हो ।
काँग्रेसले तनहुँ क्षेत्र नं १ मा वरिष्ठ नेता रामचन्द्र पौडेललाई उम्मेदवार बनाउने निर्णय गरेको छ । त्यस्तै क्षेत्र नं २ मा केन्द्रीय सदस्य एवं पूर्वमन्त्री शंकर भण्डारीलाई उम्मेदवार बनाउने निर्णय भएको छ । क्षेत्र नं २ का कारण उम्मेदवार चयनमा ढिलाइ भएको काँग्रेस तनहुँले जनाएको छ ।
काँग्रेसले दुवै निर्वाचन क्षेत्रमा पुरानै अनुहार दोहोर्याएको छ । विसं २०७४ को निर्वाचनमा पौडेल र भण्डारी पराजित भएका थिए ।
त्यसैगरी काँग्रेसले प्रदीप पौडेललाई काठमाडौ क्षेत्र नं ५ बाट उम्मेदवार बनाउने निर्णय गरेको छ ।
Comments
Rupee Exchange Rate